Holwierde


Ik zel t in Holwier mor nait tegen die zeggen

Ik heb zoveul mit Ritsemoa mit moakt. Zoveul! Wie mozzen hier ook ains n boksploug hebben. Op aandrang van dörpsbelangen. Dij ploug zat in Stad. Dou haren wie oafsproken, dat ik zol mit. Om zes uur hier vandoan. Wie waren bie slachthoes in Stad. Hai zegt: “Nou mout wie oetzuiken woar dat wie ze vinden kinnen.” k Heur t hom nog zeggen: “Wie mouten eerst noar n hoerekaffee in Gelkingestroat, ik docht ik zel t in Holwier mor nait tegen die zeggen, want din wast nait mit g0an.” Ik zeg: “Ach, kom n0u, ze vreten die nait 0p.“ Der was ook niks loos heur. t Was gewoon doar in Stad. Doar zaten wat kerels om n toaveltje te koartspeulen en doar waren n man en n vrouw en n poar kinder. En doar zaten n poar kerels en zo gait dat allemoal.
Dij 0ber haar dat al hal gaauw deur. Dij kwam bie ons en dij vroug ons wel of wie hebben mozzen. AW zegt: “Dij en dij.” “O, dij is hier nait, wol je dij spreken?“ “J0a, wel groag even.” “Dat kin wel, mor din mot je n pooske wachten.” Hai is achteroet goan en dou op n duur kwam dij man der aan. Hai ging bie ons zitten, mor hai zegt: “Doar zit ik nait meer in, je motten doar wezen.” Hai nuimde n noam. “En dij woont in dij stroat, doar achter t slachthoes. Mor, wat nummer,” zegt e, “dat wait ik nait.” Nou, wie binnen vot goan en wie stonden op n duur midden op dij grote stroat, aan weerskanten almoal wonings. “N0u,” zegt AW, “din gaaistoe mor langs dis kaant, din goa ik langs ander kaant.” Want wie mozzen dat hoesnummer vinden. Trap op, trap oaf. En, omduur ain van ons von hom. Kloar. Op de bel gedrukt. Nait thoes. Joa, wel thoes. Mor dij man zat ter ook nait meer in. Hai zegt: “Din mot je bie dij en dij wezen.”
Weer t zulfde loaken n pak. Weer n stroat en weer gain nummer. Mor dat adres vonden we ook weer. Dou zegt dij man: “Din mot je bie n …, dij en en dij wezen.” En hai nuimde n stroat. Gain nummer, mor hai kon t ons wel ongeveer oetduden woar t presies was. Doar kwammen wie din 00k. Vot. Buurvraauw komt noar boeten. Dij zegt: “Dij minsken binnen net v0t goan. Dat doun ze aal oavends. Mor,” zegt ze, “ze kinnen der mit n uur weer wezen. Ze kinnen der  mit n haalf uur wezen, mor t kin 00k wezen dat ze de halle oavend nait weer k0mmen.”
Wie hebben nog n uur in auto zeten mit zien baident. Dou binnen wie noar Frigge goan in Herestroat. Hebben wie doar n zetje zeten. t Wer n uur of haalf elf, dou zeden wie tegen mekoar: “Wie mouten der mor weer op 0af.” Nog nait thoes. Ik zeg: “Mor wie goan weer noar Holwier heur.” We waren om haalf zeuven al in Stad en 0m twaalf uur zaten we der nog.
Om negen uur de volgende mörn haar ik hom al weer bie mie. Hai zegt: “t Is al rond heur.” Hai het vot smörns telefoon pakt en dij man beld. Dij zegt: “Dat komt m00i 0et, ik mot om haalf negen even in Delfsiel wezen. Astoe nou even noar Robertus gaaist in Appengedam om acht uur, din kom ik doar 00k en din beproat wie dat wel even.” En in n ketaaier was t rond.
Kiek zo gait dat din. Hai gaf hom nooit over. En zo heb ik hal wat mit hom beleefd.
Wie zollen hier 00k n keer t draaidörgel De Arabier hebben. Dij kerel der van zat in de advokoatenboudel. Krigst hom morzo nait lös. Dat is n bezit, jong, dat mot verzekerd worden. Dat ding mos hierhin op n auto. Als doar wat mit gebeurt!
Dat was allemoal veur dörpsbelangen. Hier was op n zoaterdag feest en dou mos dat ding deur t dörp hin. Dij feesten waren op t sportveld.
Wie hebben hier wel van dij windhonden had. Dat kwam van Winschoten, dat is z0’n verenegen. En mor achter n lapke aanrunnen. Mor zo wordt dan doan.
Wie hebben ook de dames Lieves hier n moal had mit peerden. Dij gingen ze dood hinleggen en din laipen ze der overhin. En zo wat hin. Allerhande kunstjes mit dij peerden.
Rapiditas, n turnploug oet Stad. Z0 wat kost altied n hai bult geid. Din mot ter n vrachtwoagen hin en din mit dat woar zai in waarken hier allemoal hin brocht worden. Zai mozzen mit n bus kommen en zai mozzen n dineetje hebben.
Z0 zat we gezelleg bie mekoar en zo haar we roezie. Als we din bie Willy de Boer vandoan kwamen, lag hal voetbalverenegen oet mekoar. Dat was 00k wel n moal zo. Aanderdoags haar AW weer n haalve dag neudeg 0m boudel weer bie mekoar te vegen. Z0, dij man stapt op fiets en der is niks te doun. Hai gait dij kaant op. Wie wollen over brug en nog gain vief meter, doar haar je t.