Holwierde


De beveileging van onze defensie

Siert was student in Wageningen en dij het n keer n feestje organiseerd in de bunker bie de BAM. Dat het n radarstation west. Dat ding was boeten dainst en hai zat hallemoal mooi op slot. Mor luchtreuster lag ter los op. Doar kon je zo deur noar binnen kommen. Studenten vonden dat echt origineel omdat alles nog in funktie was. En n goie temperatuur. Zai hebben doar stoulen ophoald, woarschienlek oet t Eemshotel, want dat zat nog n beetje in de familie. Affijn, der is gain minsk dij der wat van vernomen het.
Loater komt ter ain van de BVD bie de familie Ritsemoa. Hou of dat zat doarzo. “Ja, wat is ter din loos?” Wizzen naargens wat van.
“Ja, kiek ains aan, dit komt nait goud, wie hebben doar al wat van heurd, en wie willen nou even waiten hou dat presies zit. En doar moak we proses verboal veur 0p.“
“Nou,” zegt Siert,  dat kin je dus doun, ik woarschaauw je allineg, veur je doar mit begunnen: as ie doar nou proses verboal van opmoaken, din gait ter ain telefoontje noar de allergrootste kranten van Nederland en din kommen der zukse stukken in over hou goud de beveileging van onze defensie is, in de kraant.
Wol ie nou nog proses verboal opmoaken, of kinnnen wie der gewoon over proaten?” “Vertel mor ains, hou is dat gebeurd, want wie binnen nait betrapt?”
“Nou,” zegt e, “der zitten twij jonges in de train en dij zitten doar over te snakken en der zit n offiesier in burger bie en dij heurt dat. En dij geft dat deur.
“ Zo is dat aan t licht kommen.